Gaudino E.

Pipi fhritti cu patati

Ogni jiuornu nu problema
Si presenta a stu paisi
E no’ si trova lu sistema
Mu s’affruntanu li spisi.

E la sira manca a luci
E lu jiuornu no’ nc’e’ acqua
Si nc’e’ scuru ha mu t’agghuci
Cu a candila e jiuornu e Pasqua.

Troppu casi abbandunati
i rioni tutti vuoti
Li patrumi su emigrati
E tant’attri su jiusuoti.

Tra palazzi e palazzini
Nta salici, nta crimenza
Casi nuovi cu giardini
Fhu na vera provvidenza.

Ma si vai nta la righeggha
Nta lu spizzu o petrachjiana
No’ nc’e’ nugghu chi arribbeggha
Chi ti fherma o ti richjiama.

Puru piejiu è Santu Ruoccu
Natraccola cu pruscinu
E quandu tira lu sciruoccu
Mancu nc’e’ nu cardellinu.

Vidi gienti jiuornu e fhesta
Li dominichi e d’estati
Ncunu parta, torna e resta
Ca li cuosi su cangiati.

Veru chigghu chi già scrissi
Tanti casi su vacanti
Ma li gienti puru dissi
Fhanu vita confortanti.

Cui partiu e no’ tornau
E ncitta’ si trasferiu
Sapa sulu chi dassau
E penza a chigghu chi perdiu.

Li parienti chi partiru
E chi de tiempu su emigrati
Si ricordanu u profhumu
E Pipi fhritti cu patati,

Fhilatiegghi, pitta chjina
La poseggha gialineghha
Si ricordanu accussin
Sia lu tiestu ca’ limbeggha.

E si parra e suppressati
Capicoggha cu gambuni
Tutti cuosi ormai passati
Cuomu u vinu do’ serruni.

Tanti cuosi genuini
Chi restaru nta la mente
Cu profhumi sopraffini
La delizia de la gente.

E cui torna nta l’esrati
Pemmu trova li parienti
Penza sulu a li mangiati
E vo’ mu assaggia st’ingredienti.

Nu suffrittu e carni e puorcu
Quattru alivi ammazzarsti
Pipariegghi russi e l’uortu
E suppressati surrijiati.

Fhilatiegghi cu poseggha
Pollu arrostu cu patati
Dui stigghjiuoli de vudeggha
E nu tiestu e fhavulati.

Na nzalatera e tagghjiarini
Ncumpagnia de quattru amici
Uottu malangiani chjini
E tantu vinu de salici.

Certu, è propriu lu lavoru
Chi ti porta pe’ lu mundu
Pemmu vivi cu decori
E mu capisci ch’esta tundu.

Step di vita

Dimmi tu, chi stai fhaciendu
Chi rovisti nta sti carti
Esta sulu pierdi tiempu
No’ nda scianchi e i mienti e parti.

Vorìa propi pemmu vijiu
Sti quaderni, sti blocchetti
Vorìa puru mu li liejiu
Li paruoli e sti fhoglietti.

E nda scrivi tutti i jiuorni
Stai scriviendu nu romanzu
Scrivi puru quandu duormi
E assettatu puru a pranzu.

Certu, fhusti profhessori
Ma mo’, sini penzionatu
No’ fu certu ruosi e fiori
Ma si troppu appassionatu.

Scrivu stori ‘mpoesia
Cuntu cuosi de na vota
Ricuordu tutti amici mia
E de tuttu tiegnu nota.

Partu e quandu fhui cotraru
Chi jiocava nta lu passu
Jia a lu mastru de fhorgiaru
Pe lu riestu, sempre a spassu.

Nu ciole’, nu carriciegghu
Nu palloni mancu tundu
Nta i carrieri nu ribbiegghu
Chistu era “tuttu u mundu”.

Cu l’amici sempre ngiru
Cu na fhjiunda e na tagghjiola
Ni mancava lu respiru
Girijiandu nta rijiola.

Scrissi e quandu a lu palloni
Si jiocava a la Colonia
Nta lu campu, a ogni rioni
E faciamu babilonia.

Parmu, Giacumu e Vicienzu
Sandru, Brunu, Peppa e Totu
Io, Pasquali e si nci pienzu
Nc’era puru ncunu ignotu.

Tutti amici de cotrari
Cui venia de Rivenzinu
Cui abitava o Chjianalari
Sangiuseppe o nta Pruscinu.

Pua, la scola ni cangiau
Cui studiava si nda jiu
Nci fhu puru cu emigrau
Ma Jimmi avanti ngrazzi e Ddio.

Tutti fhicimu fhamigghjia
Cu fhigghjiuoli laureati
Fhu pe’ tutti meravigghjia
Ntelligenti e fhortunati.

L’onestà, rispettu e stima
E l’amicizia duratura
Sempre a stessa, cuomu prima
Settant’anni e ancora dura.

Mona, simu penzionati
Ogni tantu ni ncuontramu
A cui no’ po’ ch’esta acciaccatu
Cu telefhonu u chjiamamu.

Ogni tantu

Ogni tantu ni ncuntramu
Pe’ dovere e no’ pe’ sorte
Tutti assiemi u salutamu
Lu distinu de la morte.

Quandu ncunu vola ncielu
E si tratta de’ n’amicu
Nta lu sangu sienti jielu
E ti sienti nu mindicu

Tra l’amici tantu sdiegnu
E si parra cittu cittu
E si ricorda cu cuntiegnu
Lu destinu maledittu.

Cui ricorda tiempi jiuti
Cui ripenza a sciampagnati
Chigghji fhatti cchjiu’ sentuti
Tutti assiemi accumunati.

E si ripenza a nui cotrari
A li bravati e giovanotti
Quandu cuomu muntagnari
N’acchjiappevumu a cazzotti.

Si scarava nta salici
Nta trimalu e nta cavuri
Pe’ castagni e ncuna nuci
O arangi già maturi.

Jiemu a pruna sgagghaluori
O russi e tundi de’ sangiuanni
O lattuchi o pumadora
Procurandu tanti danni.

Ti ricuordi a Cacamuogghu
Cu i cerasi do’ cumpara
Si penzava: no’ nc’e’ nugghu
E nda pigghjiamu pe’ assaggiara.

Mentre tutti ndaffarati
Ni gustavumu u sapurl
De’ na percia e mpergulati
Tutti ntisimu u rumuri.

Propi vui cumpara caru
Mi portastuvu st’arcieri
Si u sapia ncunu panaru
Vi u portava volentieri.

E sta vota ni jiu bona
Ca a nui tutti canusciu
No’ badau mu ni li sona
Ni nda jimmi e si nda jiu.

Ti ricuordi quandu o Passu
Nc’era Cerchiu e Cicarruni
Chi pe’ igghji era nu spassu
Scilicandu a lu cafhuni?

E a Tillieci e Grigorinu
Chi jiocavanu a lu campo
Cu Vittoriu e Nicolinu
E pe’ nugghu nc’era scampu.

Nd’avia tanti jiocaturi
Chi pe’ nui fhuru d’esempiu
Tra ngegnieri e profhessuri
Chi pe’ tutti fhu nu tempiu.

Pinu Bretti e Attanasi
Cu li giometri Lo Russu
Mastroianni de Sambiasi
Era vi, na squatra e lussu.

Protu mporta de Nicastru
Mazzitelli cu Palmieri
Cu Bennardu nu pilastru
Sia Gentili ca Calvieri.

Nta stu mentre u “Commissariu”
Avia fhattu n’attra squatra
No nd’avia do circondariu
Ma ni trovava strata, strata.

Totu, Sandru cu De Ciccu
Pietru, Peppa e Pasqualinu
Giuanni, Ernestu, Mariu e Cicciu
E ni mbiscau cu Michelinu.

Tutti nui de quindicianni
No’ potiemu competira
Ed’allora cacciau a Giuanni
E penzau mu aggiusta a mira.

Misa genta d’esperienza
Cu Vittoriu e Nicolinu
Cu Battista la potenza
E l’agonismu e Grigorinu.

Sandru e Brunu emigraru
Li cchjiu scarzi si nda jiru
Parmu e Giacumu arrivaru
E a la squatra si jiungiru.

Tutti assiemi ni criscimmi
E fhu na squatra de temira
Chjianu chjianu maturammi
E faciemu na strimina.

Pua cangiau l’allenatori
E portaru a Banincasa
Cu Pasquali e Salvatori
Fhu na squatra valorosa.

E vinciemu a Catanzaru
A lu Pizzu e a tutti ngiru
Ma a la fhini ni fregaru
E a lu spareggiu ni vinciru.

Mi ricuordu a Soveratu
Cu lu campu a lidu e mara
Era majiu già inoltratu
E approfhittammi pe’ natara,

Menza squatra era mbrijiaca
C’havia jiutu o matrimuoni
E no’ bastau la rimpriscata
U ni risbigghjia buoni buoni.

Totu mporta addormentatu
Pietru e Giacumu sturduti
Puru Peppa era straniatu
Tutti l’attri stramortuti.

Quandu mai la squatra nostra
Avia perdutu cincu a zeru
Fhu disdetta e vera giostra
Nugghu nc’era cu penzieru.

Chi virgogna, e chi figura
Mu tornamu e sta manera
No’ fu mancu jiettatura
Mancu u gollu da bandiera.

Er. Ga.

Cunti e dici
di Er. Ga.

Mo mi cunti e pua mi dici
Duva fhusti ajieri sira
Ti dassai cu quattru amici
Ma ti pierzi pua de mira.

Io no’ sacciu e no’ mi spiegu
A chi vi serva st’adunata
E fazzu buonu e mo ti spiegu
Ca pe mia è na buffonata.

Chi nci truovi tu de stranu
Si ogni tantu ni vidimi
Tornau n’amicu americanu
E ni ncuntramu mu parramu.

De quand’ierumu cotrari
Ni criscimmi tutti assiemi
Pua arrivau lu militari
E cominciaru li problemi.

Cui partiu pe’ nta Milanu
Cui a Torinu, cui nta Roma
Nc’e’ cui jiu cchjiu’ luntanu
Mu si pigghja nu diploma.

Puru tuna si nci pienzi
Ti nda jisti pe’ cinc’anni
E no’ mi dira “su scemenzi”
E ca no’ provocasti danni.

Ti ricuordi chigghu trenu
Tuttu curmu, paru paru.
Chiggha puzza de vagoni
Cuomu fhussa “u tavernaru?”.

Nc’era puru cui partia
Cu na navi sdarrupata
Cu a speranza si nda jia
Nta l’America arriccuta.

L’attru jiuornu rientrau
Doppu appena cinquant’anni
Pemmu ncuntra a cui dassau
E l’amici do’ sangiuanni.

Fhorse ancora ti ricuordi
Ca abitavanu o Carvaru
Cuomu fhai pemmu ti scuordi
Mastru Ntuoni lu scarparu.

Risolava scarpi viecchj
Mpingia attacci e supatacchi
Tuttu ntuornu catapiecchj
E strati chjni de palacchi.

Già passaru cinquant’anni
E vo’ mu trova li sua amici
Puru chigghi catananni
E a stu puntu, chi nci dici?

Chiggha busta duva stacia?
Cu li fhotu de cotrari
Ha mu vijiu si nci piacia
E si ricorda i “betulari”.

Chigghi fhotu nta la villa
Nta lu campu o a lidu e mara
Si nci vena la scintilla
E si comincia a ricordara.

Già domanda e certi amici
Chi purtroppu no’ nci sunu
E no’ sai chi hai mu nci dici
E si è giustu e opportunu.

Cuomu fhai pemmu nci dici
Ca Michieli si nda jiu
Totu e Brunu, i miegghjiu amici
Si li chjiamau e li vozza Ddio?

De li fhimmini na stragi
Tra Rosetta cu Bettina
Nci mandamu dui suffragi
Ad’Antonella cu Cettina.

De Nicola, Giuanni e Vitu
Anna, Peppa e puru Lina
Certu resta allibitu
Fhu pe tutti na rovina.

Ma pecchi no’ nci parrati
De li fharzi de’ Don Mariu
De li Bettuli affollati
E vi scriviti nu sommariu.

De li sindaci passati
De lu mara sempre giallu
De li casi sdarrupati
O de’ i cerasi e Pinu Gallu.

De li squatri de palloni
Propi chiggha chi vinciu
Chi arrivau a la Promozioni
E de corpu pua fhalliu.

O de chigghi d’Acconia
Chi testardi vanu avanti
Chi perdia e pua vincia
E tutti quanti su cuntienti.

Si ha voglia mu camina
Lu portati a la Rugheggha
Ca nc’e’ all’umbra na panchina
E ncuntra ncuna vecchjiareggha.

O lu portati a Santu Lia
E s’e’ veru curinghisi
Vida puru Gizzeria
E lu Platanu de Vrisi.

Si nchjianati a la Contissa
E lu cielu esta serenu
Nta la testa già si fhissa
Sia lu jioniu ca u Tirrenu.

Ma purtroppu su convinta
Ca nta tutti st’adunati
Li discurzi su’ na fhinta
E cu lu vinu esagerati.

Ca l’amici su na scusa
Si a li carti fhai lu fhrancu
Ca ognunu e vui nd’abusa
Sia de russu ca de juancu.

Viva tu ca vivu io
Nu bicchieri tira n’attru
Nci vo’ sulu a manu e Ddio
Pemmu vi nda jietta quattru.
Er. Ga.

QUANDU ERA IO COTRARU

(Er. Ga.)
Quandu era io cotraru,
puocu ranu nto’ granaru,
pe’ ogni strata e ogni vijiuolu,
ncuntravi sempre ncunu fhigghiuolu.

Purvulata supra e sutta,
t’arrivava nta la vucca,
de ciucci, puorci e de gagghini
tutti li strati eranu chjini.

Grida e schiamazzi
de fhigghiuoli abbarundati
Sentivi de ogni vicu,
puntuni e pe’ li strati.

Ragghjiu de ciucci
e abbajiara de cani
eranu pe’ tutti
segni de richiami.

Uomini e fhimmini
tutti abbarundati
Cu zzappi, runchi
e pe’ fhara vucati.

E tanti vuoti
arrivava la sira,
avivi fhatigatu
pe’ fhara menza lira.

Quantu vuoti,
e la memoria no’ m’inganna,
zziema rescìa mu fhacìa
menza canna.

E pua Mamma,
cu nu fhilu ncorcinatu,
de li mani
nci nescìa lu lavuratu.

Pana de viscuottu
e scadi assulicchiati,
cipuggha cu posedda
sfamaru fhamigghiati.

Verdura d’ogni tipu
inchìa la cassalora
e la gente s’adattava
pe’ tala nommu mora.

Na fhrasca de livara
mpenduta cu nu chjiuovu ,
dicìa ca nc’era vinu,
però de chigghu nuovo.

Pana de fharina
però de chiggha ijanca,
no’ si nda vidìa pe gula
ne’ a destra e mancu a manca.

Vicienzu Caramicu,
ancora esta arrimisu,
ca li piedi nta li scarpi
mai si l’havia misu.

Quandu li potta avira
si ntisa nu fhigurinu,
si li mentia a la chiazza,
ma fhina nta pruscjinu.

Lu fhrata povariegghu
si fhà l’inalazioni,
si parta pè Caronte
cu attri ‘nprocessioni.

Nci dissa pua n’amicu
“stu pana esta integrali”,
pecchì no’ ti l’accatti
ca ti caccia d’ogni mali?.

Si tuna sì cunvintu,
accattatillu a jiosa,
ca a mia no’ mi nda para
ca esta na gran cosa.

De chistu nda mangiai
de giuvini e cotraru
li gargi mi scorciai
chi ancora sientu amaru.

Cumpara Lia Scupazzu
de tiempu era emigratu,
attraversau l’oceanu
cuomu nu disgrazziatu.

S’havia ripiccicatu,
sistematu cu li cazzi,
si nda tornau a Curga
ca ggha non nc’era razzi.

Chi dira mo’ de chisti,
sia giuvini e cotrari,
chi mangianu la pizza,
nutella e cuosi strani?

Mu dura certamante
a tutti nci auguramu
Però, si jiamu arriedi ,
adduva n’aggrappamu?

• (tra osservazioni, racconti ascoltati e realtà vissute)